Sot (3 Prill 2018) duke filluar nga ora 17:00 në Kino Lumbardhi, në Prizren, do të bëhet hapja solemne e Hapësirës Multi-Funksionale për të rinj.

Të rinjtë nga Kosova, Diaspora, dhe Rajoni – Sara Brari, Samra Radoncic, Fitim Veliu, Dardan Isufi, Klaudjo Kavaja, dhe Lekë Lleshi – gjatë Shkollës së Diasporës në Kosovë, panë se nevoja për një hapësirë dedikuar të rinjëve në Prizren, ku ata do të mund të takoheshin, të ndanin ide, bashkëpunonin e zhvillonin projekte, është shumë emergjente.

Kështu ata i vënë synimin vetes që t’iu ofrojnë të rinjëve në Prizren një hapësirë të tillë, hapja e së cilës do të bëhet sot, dhe do të jetë në shërbim të të gjithë të rinjëve në Prizren.

Kjo hapësirë me kapacitet prej 50 personave, do të jetë e hapur nga ora 09:00 deri në 23:00, nga e Marta deri të Dielën, dhe është e pajisur me mjete bazike që i nevojiten të rinjëve si karriga, tavolina për shfrytëzim individual, dhe projektor, ekran për organizime si seminare, punëtori, takime grupore etj.

Tri ambientet, sa do të mund të shfrytëzohen nga të rinjët përbëhen nga ambienti i leximit – një hapësirë e vogël ku të rinjët do të mund të lexojnë; Holli i hapësirës – e cila do të jetë në shfrytëzim si hapësirë pune dhe pjesa e jashtme të cilën të rinjët mund të shfrytëzojnë më shumë për relaks.

Të rinjët që do të shfrytëzojnë këtë hapësirë, do të kenë në shërbim edhe një mini-bar nga ku mund të shërbehen me kafe dhe pije të tjera, ku do të punësohen edhe dy të rinjë nga kjo komunë.

Ky projekt doli fitues në Programin Shkolla e Diasporës në Kosovë – SHDK, nëpërmjes së cilës mori mbështetje në formë të grantit në vlerë prej 6000 EUR. SHDK është implementuar nga Organizata jo-qeveritare Germin, dhe mbështetur programi Rinia, Punësimi dhe Aftësitë, pjesë e Fondacionit Gjerman për Zhvillim Kosovar GIZ.

Agjendën e hapjes mund ta gjeni në këtë vegëz:
https://www.facebook.com/events/1740200682708010/